डर लाग्दो तरिकाले लुटिए पठाओ चालक । प्रहरी समात्यो २ व्यक्तिलाई ।

 उपत्यकाका अधंकांस क्षेत्रहरुमा यातायातको सबै भन्दा छिटो र छरितो माध्यको रुपमा पठाओ लाई लिईन्छ । 

साँखुबाट पठाओ चालकको मोटरसाइकल, मोबाइल र नगद लुटपाट गर्ने २ जना पक्राउ परेका छन् । प्रहरी प्रभाग साँखुले पठाओ चालक भक्तबहादुर खड्कालाई लुटपाट गर्ने वर्ष २३ का राहुल तामाङ र वर्ष २१ का मनिष कोइरालालाई पक्राउ गरेको हो । 

उनीहरुले यही साउन ९ गते  बिहान  ६ बजे काठमाडौँको शंखरापुर नगरपालिका वडा नम्बर ८ नाउपाखा सामुदायिक वनमा मोरङ लेटाङ नगरपालिका वडा नम्बर ९ का खड्कालाई लुटपाट गरेका थिए । 

ललितपुर पाटन अस्पताल नजिकै बस्ने भक्तबहादुर खड्काले पठाओ गरी यात्रु लिई  शंखरापुर नगरपालिका नाउपाखा सामुदायिक वनमा पुगेपछि तामाङ र कोइरालाले चक्कु देखाई उक्त पठाओ चालकको  बाप ०२–०४३ प ९१२५ नम्बरको मोटर साइकल, नगद रु.६०००।– र मोबाइल १ थान लुटपाट  तथा चोरी गरी फरार भएकोमा सोही दिन सुनसरीको धरान उपमहानगरपालिका वडा नम्बर १५ घर भई हाल काठमाडौँको साँखुमा बस्ने राहुल तामाङ र उदयपुर नगरपालिका वडा नम्बर ५ घर भई हाल साँखुमा बस्दै आएका मनिष कोइरालालाई नियन्त्रणमा लिई  कानुन बमोजिम थप कारबाहीका लागि तालुक कार्यालयमा पठाइएको साँखु प्रहरी प्रभावका इन्चार्ज प्रहरी निरीक्षक नवीन चुदालीले जानकारी दिएका छन् । 

त्यसै गरी पछिल्लो समय  धरान र विर्तामोडमा पनि पठाओले आफ्नो सेवा सुचारु गरेको छ ।

यस्ता थुप्रै घटनाहरू हामीले सुन्दै आएका छौं । 

यो भन्दा केही समय अगाडी  पठाओ वालाहरु हनी ट्रयापमा परेको घटना हामीले सुनेका थियाै । 

त्यस्तै अलि अगाडी ललितपुरमा पठाओ राइडरको अपहरण भएको थियो । काठ्माण्डाै कोट्श्वरबाट धापाखेल पुर्याउन गएका २१ वर्षिय पठाओ राइडर यात्रुबाटै अपहरणमा परेका थिए । यसरी भाडा दिनुको साटो सोही ठाउँमा पर्खिरहेका मिनराज राइसँग मिलेर यात्रुका रुपमा  रहेका प्रविन राइले पठाओ राइडर तमा‌‌ङ्गलाइ कुटपिट गरे त्यसपछि राइडरको हात पछाडीबाट र खुट्टा समेत बाधेँर मुखमा पट्टी लगाइदिए अनि बाटोको तल एकान्त ठाउँमा फालिदिएका थिए । त्यसपछि ती राइडरको मोटरसाइकल ब्लुबुक सामसुङ ए ५० मोबाइल र धनमाल समेत लुटेर दुबैजना  फरार भएका थिए ।  

 कहिले गुडिरहेको बाइक खाल्टो भित्र पस्ने  रात दिन घाम पनि नभनी सदैव हाम्रै सेवामा समर्पित पठाओं चालकहरु कहिले बाटोको समस्या भोगिरहेका हुन्छन त कहिले यसरी लुटपाटको  समस्या खेपिरहेका छन् । आखिरी कहिले सम्म यो कुरा प्रति सरकारले धयानाकर्षण पो गर्ने हो कि ?

Link: https://www.facebook.com/smarttvnepal79/videos/996150475579174