एसइई फेल भएपछि दुई विद्यार्थीले गरे झुन्डिएर आत्महत्या

 यस वर्ष ४ लाख ६४ हजार ७८५ कुल विद्यार्थीले एस ई ई परिक्षामा सहभागी भएका थिए भने २ लाख ४२ हजार ३१३ जना अनुतीर्ण भएका थिए । अत्यन्तै न्युन प्रतिफल आएको यस वर्ष ४७.८७% विद्यार्थी मात्रै पास भएका हुन ।

एसइई परीक्षामा फेल भएपछि दोलखा र संखुवासभाका दुई विद्यार्थीले आत्महत्या गरेका छन् ।

दोलखाको गौरीशंकर गाउँपालिका वडा नम्बर २ की एक छात्राले एसईईको नतिजा राम्रो नआएपछि आत्महत्या गरेकी छिन् ।

गौरीशंकर गाउँपालिका–२ जुँगुका रामबहादुर बुढाथोकीकी १६ वर्षीया छोरी जेनिसा बुढाथोकीले आफ्नै घरमा झुण्डिएर आत्महत्या गरेकी हुन् । स्थानीय निलकण्ठेश्वर मावीबाट एसईई परीक्षा दिएकी जेनिसाले नतिजा राम्रो नआएपछि असार १३ गने आफ्नै घरको माथिल्लो तलामा झुण्डिएर आत्महत्या गरेको दोलखा प्रहरीले जनाएको छ । उनले आत्महत्या गर्नुअघि सुसाइट नोट लेखेर बुबा आमा र परिवारका सदस्यसँग माफी मागेकी छन् ।

मृत्तक जेनिसाको शव पोष्टमार्टमका लागि सदरमुकाम चरिकोट लगीएको थियो ।

त्यस्तै, संखुवासभाको खाँदबारी नगरपालिका– ३ का आशिष घिमिरेले आफ्नै कोठामा पासो लगाएर देहत्याग गरेको जिल्ला प्रहरी कार्यालय संखुवासभाका प्रहरी निरीक्षक रामकुमार लामिछानेले बताए । मृतक आशिषको जिल्ला अस्पतालमा पोस्टमार्टमपछि शुक्रबार अन्त्येष्टि गरिएको छ । 

यता परीक्षा अनुतिर्णा हुँदा मनोबल कम्जोर भएका कारण आत्महत्या गरे भने उत छोराको मनोबल कम्जोर नबनोस भन्दै बुवा वेदनाथ दाहालले छोरा एस ई ई मा अनुतिर्ण हुँदा फेसबुक मार्फत मिठो स्टाटस लेखेर छोरालाई साथ दिएका छन् । यस स्टाटसले चौतर्फि चर्चा पाएको र एउटा असल बुवा हुनुको दर्बिलो दाईत्व वहन गरेको सकरात्मक टिप्पणी आएको छ । उनले लेखेका छन् "कान्छो छोरो लक्षमण बाबु एस ई ई परिक्षा अनुतिर्ण भएछौ चिन्ता नगर । असफलता नै सफल्ताको प्रतिक हो । अर्को वर्ष पास भईन्छ । पढ्ने मान्छेनै फेल हुन्छ । राम्रोसंग तयारी गर्नु हामीले गर्नुपर्ने सहयोग हामी गरीरहने छौ । शुभ आशीर्वाद बाबु । सबैजनाले आ आफ्ना बाबुनानिहरुलाई बधाई दिँदै गर्दा मैलेपनि मेरो छोरालाई अर्को वर्षको लागी बधाई नदिनरहन सकिन । पुर्ण प्रयास गर बाबु लक्षमण अवस्य सफल्ता हात लाग्ने छ ।" यो पोष्टले साँच्चै एउटा आमा बुवालाई भावुक बनाउँछ र गहिरो पाठ सिकाउँछ ।

हुनपनि परिक्षा हो पास र फेल भनेको परीक्षाको नियम नै हो । फेल भयो भन्दैमा जिवनको बाटो बन्द हुने होईन । जिवनमा कयौ हार खाएका विद्यार्थीको भविष्य उज्जवल भएको उदाहरण हाम्रौ समाज प्रसस्तै छन् । शीक्षा मानव जिवनको लागी अपरीहार्य छ तर जिवन भन्दा ठूलो शिक्षाको परिक्षा हुन्न । जिवन रहे हरेक वर्ष परिक्षा दिन सकिन्छ । समाचारमा बाउ छोराले संगै एस ई ई दिएको खबर पढेका छौ । ६० ७० वर्षको उमेरमा एस ई ई दिएको सुनेका छौ । हाम्रौ आँखा अगाडि नायीका करिश्मा मानन्धरले केहि वर्ष अगाडि SEE परिक्षा दिएकि होईनन् र ? त्यसैले घरपरिवारको ठूलो भुमिका हुन्छ आफ्नो भाई बहिनी छोरा छोरी को मनोबल मज्बुत बनाउनका लागी । यस पटक अनुतिर्ण भयो भन्दैमा फेरी अर्को वर्ष त्यस्तै हुन्छ भन्ने हुन्न । मिहेनत गरे उत्कृष्छ नतिजा हाँसील हुन सक्छ । एउटा छोरा एउटि छोरी भाई बहिनी फेल हुनु भनेको उ वा उनि मात्र फेल भएकि होईन । उ र उनीसंगै बुवा आमा दाजु दिदि पनि फेल भएका हुन । एउटा विद्यार्थी फेल हुनु भनेको उसको शिक्षकपनि फेल हुनु हो । त्यसैले विद्यार्थीको मनोबल कम्जोर हुन दिनु धेरै नराम्रो कुरा हो किनकि आजको विद्यार्थी भनेको भोलिको देशको कर्णधार हुन ।

Link: https://www.facebook.com/smarttvnepal79/videos/826060182796256